Chief Minister Lalduhoma chuan thusawiin, Tualpui khua hi pi leh pu te atang mi taima hnathawh ngaisang khua khaw dangte'n pur an chawkna a ni a, vawiin ni thlengin chhawm nungin a la awm zel chu lawmawm a tih thu a sawi.

Chief Minister chuan, Sorkarin kut hnathawktute a ngaisang a, a zah a, an kut hnathawh rahte a lawmpui a, malsawmna dawng zel se a duhsak avangin Sorkar Department buatsaihin hman a lo ni thei ta hi a lawmawm hle a ni, a ti a. " Thingtlang lo neih hi bansan thut theih a ni lo a, zawi zawia kalsan a nih theihna turin Sorkarin hma a la mek zel a ni," a ti.

Lalduhoma chuan, Tualpui leh Champhai inkar kawng hi NESIDS Road hnuaiah laih tur a ni a, hei hian kan economy nasa takin a tih pui beisei a ni a, Lo zawh hi Tourism anga kalpuia khualzin tam zawk khaw dangah hip thei tura ruahhmanna kalpui mek a ni bawk, a ti.

Tualpui khua in ramngaw a neih that vangin Model village atana thlan hial a ni a, a thawktu tur company nen pawh inremna thuthlung pei fel thawkhat tawh a ni. Hei hian khualzin te hip thei turin hmasawnna tam tak a keng tel dawn a, nasa taka cheibawl tur ruahmanna siam a ni a, khawtual mipui te pawhin khualzin te dawngsang thei tura hawihhawmna te neia mi pan chak ni tur hmanlai thil hlui humhalhna kawng tan la sauh sauh turin turin a chah bawk a ni.

Vawiina Tualpui Lo Zawhpui  ah hian Aizawl, Khawzawl, Champhai atangin sorkar official leh Party hruaituten an telpui bawk niin vawiina sorkar thuchhuah chuan a tarlang.